2018 Pulizer Prize Ahmumi Hna

Nihin cu USA ram ah rolingmi laksawng Pulitzer laksawng peknak ni a si. Pulitzer prize timi cu thawng zamh cazual siseh, online media ah siseh, magazine hna ah cabia tha bakmi a tialkhomi hna si lo le thawngpang tha le sullam ngei bikmi a la khomi hna kha an pekmi laksawng a si.

Nihin The New York Times nih thawng a zamhnak ah cun 2018 Pulitzer hmutu cu kum 30 lawng si rih mi Ronan Farrow a si. Anih hi New York khuami a si. (New York khua ah a chuak a thangmi cu New Yorker an ti hna). Mah New Yorker catial thiam mi Ronan nih hin minthang hna nih ningcang lo in nupa sualnak tuahpinak sexual harassment an tuahmi kong kha a rak tial hna. Hollywood thawk in Ramkhel a ummi hna, Silicon Valley aumm i mi rum hna i phaisa hmang in nu pawl ningcang lo in an sualpinak kong hna cu zapi theih in raltha tein a phuan langh khawh caah hin Pulitzer laksawng cu pek a si.

Fidi director minthang Harvey Weinstein le Fox News thawng zamhtu Bill O’ Reilly te hna mual a rak phohtu tiah cun palh si hnga lo.

Pulitzer hmutu Ronan nih hin Nu hna nih an phuan langh ngam lomi tamtuk kha a rak i uam i, mi tampi cu luarpar an rak kai. Phaisa thazaang um phet in tiah hram hram in nu hna cu an rak sualpi hna caah, nu hna an tuar ning kha mipi thinlung lak ding tiangin a rak tial khawh.

Pahnihnak ah Pulitzer laksawng an pekmi cu ‘Staff of The Press Democrat, Santa Rosa, Calif.’ The Press Democrat timi thawngzamh ca a tialtu hna staff dihlak komh nih an hmuh. An nih hin har le fe ngainai in California i Ram mei kanghnak thawngpang kha hmanthlak he an rak langhter khawh. A fawi baimi thawngzamh rian a si lomi kha an rak tuah i, cozah le mipi nih theih fian khawh tiang in thawng zamhnak an tial khawh caah tiah an pekmi hna a si.

Washington Post staff hna zong cu Pulitzer laksawng pekve an si. An nih nih hin Ronan bantuk khan ramkhel ah minthang a si ve mi Roy More i sex lei ah ningcang in a rak um khawh lonak kha an rak langhzar khawh. US ah cun ramkhel ah mi lian hna hi ttih an si i, fawi bai in tonghtham ngam ding khi an rak si lo. An mah pawl mual phoh ding caah cun, an nunnak ca hmanh ah thin phang si hmanh seh law, thil a dikmi kha an phuan zar khawh ve.

Pulitzer laksawng cu US $10000 hi rak pek tawn a si i, 2017 kum khan $15000 ah an kaihter.