Amazon Company Cung ah President Trump A Lung Tling Lo

America ram ah siseh, vuleicung ah min a ngeimi Online thilzuar/cawknak chawdawr pakhat a simi Amazon cung ah US President anih a lung tlinlonak a langhter. President a lung tlin lonak bik cu Amazon Inc. nih hin cozah sin ah ngunkhawi Tax a pek hrim hrim lo caah hin a si.

Amazon company nih hin Chin miphun tam ngai te zong rian a pek hna. An hlawh zong a tha. US ah online thil cawknak caah mi tam ngai nih an hmanmi a si. Inn ah um pah zong in thil zuar a duhmi hna zong nih marketplace pakhat ah an hman cuahmah mi Amazon cu kumkhat hnu kumkhat a miak tampi a hmun ziahmah mi company pakhat a si.

Cu tin hlawh tling ngaimi company a si mi Amazon hi a thilzuarnak hmun hi vuleiri a ngei lomi a si caah, cozah nih ngunkhawi lak awh tha lo in a um. US cozah nih nihin tiang ah hin online thilzuarmi caah Tax laknak dingmi ning le cang ngai ngai upadi an ngei rih lo.

Cozah sin ah Amazon Inc. nih ngun khawi a pekmi hi a um lo khan a si i, kumkhat kumkhat ah Amazon nih a miak ahmuhmi hi billions renglo a si.