USA Ah Chin Nungak No Kum (16) Car Accident in A Nunak A Liam

July 3, 2018

Nihin July 3 2018 zanlei sang ah Indianapolis khua um mi Chin mi hna sin ah ngaih chiatnak thawng a um. Kum 16 lawng a si rihmi nungak no te cu Georgia lei an tlawn lio ah an mawtaw accident a tong i a nunnak a liam. A nu le pa he Indianapolis, Indiana ah khuasa an si. Pu Ral Tei fanu a si tiah theih asi.

Anih hi Leitlak khuami a si tiah theih a si. A min ah Iang Hlawn Tial (Hlawn Nu) tiah auhmi a si. Mino zong ah bochanmi mino te a si. Atlanta, GA lei ah an kal lio ah an mawtaw speed tam deuh seh law a dawh tiah theih a si i, police nih an chimnak ah cun, police nih an mawtaw dirter dingin an dawi lio ah an mawtaw hi ai accidentmi a si tiah theih a si.

An i accidentnak hmun hi Kentucky State chung ah a si. Highway cung ah a si i, Indianapolis in thlang lei ah an kal cuahmah lio pi ah a si tiah theih a si.

Indianapolis ah a family inn ah inn pa chakthlang le chung le khat hna an phan i, tu hi a sining zong tlamtling deuh in hlat lio pi a si. Telephone lawng ah police nih thawng an thanh rih hna caah hin thawng fiang deuh a um than te lai.

Thawngpang tlamtling deuh zong US Chin News nih rak thanh than dingin kan i zuam te lai.