CBCUSA Hruaitu Thar Hna Thim an Si

A voi 6nak CBCUSA Triennial Conference cu Indianapolis, IN khua ah ropui tak in an tuah lio pi a si. Nihin July 6, 2018 ni ah BM Palai lawng an phan chung i meeting an ngei. Hruaitu thar hna cu an thim hna.

Indianapolis hi US ah Chin tam bik umnak hmun a si. Tutan CBCUSA Civui cu ICBC Khrihfa bu nih an don mi a si. Budget tam ngai dih in tuahmi mah hi Civui ah hin minung 4000-5000 kar khual he inn tek he phan dawh dingin ruah a si. Greenwood Gathering place timi CYO puai le CBCUSA civui tbtk rak tuah tawnnak hmun ah tuah than a si.




CBCUSA BM palai hna nih a tanglei hruaitu hna cu CBCUSA hruaitu caah thim an si. CBCUSA khrihfabu 102 in BM palai minung 446 chungah palai 343 meting an kai kho.

President: Rev. Thawngling Mualhlun

General Secretary: Rev. Dr.Thlaawr Bawihrin

Asst General Sec: Rev. Zam Mang Mualcin

Vice President: Rev. Rollin Van Bik

Mission director: Rev. Dr. Van Thawng Lian

Women director: Rev. Sui Hliang Chorei

Youth director: Pastor Za Thawng Cin

CELD director: Pu Thlasui Tluangneh

Thim tharmi hruaitu hna cu 2018 in 2021 tiang an term a si lai.

Mah hi thimnak an tuahmi ah hin Nubu, Mino tbtk hna cu director lawng thim piak an si i, an mah tein a tangmi hruaitu hna cu an rak i thim te ding a si.

Executive Minister zong a thar thim timi a um lo. Office Staff hna le caantling riantuan tu hna dang zong thar thimmi a um lo.