Myanmar Idol Season 3 Thiambik Top-10 An Chuak Cang

Kawlram ah mipi nih zoh bikmi hlasak zuamnak ‘Myanmar Idol cu Season 3’ a vui (3)nak a phan cang. Myanmar Idol season 3 hi Kawlram khuapi (5) ah tuah a si i a thiambik top (10) zong thim an si cang. Cu hna in an min le hmanthlak hna cu a tang lei ah hin hmuh khawh an si.

Myanmar idol hi American Idol timi USA ram ah mipi nih uar ngaimi hlaksak zuamnak phun i cawn in Kawlram ah tuahve mi a si. Mino hlaksak thiam hna tampi an chuahnak hmun a si. 2016 kum ah khan Shwe Than Lwin Company nih ngeihmi Skynet nih Myanmar idol program hi an rak thawkmi a si.

Season (3) cu January 11 2018 ni khan thawk a si i,  Yangon, Mandalay, Naypyidaw, Pha-An le Taung Gyi khuapi hna ah vui khatnak mi kawlnak cu tuah a si.  Judge a tuan mi hna cu Kawlram hlasak min thang le fidi/fitlaw Tin Zar Maw, Yan Aung, Myanmar Pyi Thein Than, Myo Kyawh Myaing hna an si.

Mah hi Myanmar Idol season (3) ah pakhatnak a hmuu dingmi cu kawlram phaisa kyat Sang 20 (Ting 200 kyat) le Hlaphel pakhat chuahpiak a si lai.




Top to a simi hna cu mah ka hmanthlak ah hin hmuh khawh an si. Laimi a si mi Ni Len zong ai tel ve.

Season pakhatnak 2016 kum irak tuah lio ah Karen miphun a simi Saw La Htaw Wa nih pakhatnak a rak hmuh.  A vukhatnak tuah kum bak in mipi nih an uar ngai cawlh i, Myanmar Idol cu hmai ah a rak kal chin. Cun Seacon (2)nak ah cu a vun tha deuh chin chin a donghnak ah Billy Lahmin Aye le Tar Nge hna cu an pahnih tein an thiam ngai veve i, a donghnak ah Tar Nge nih pakhatnak laksawng a rak hmuh.

Tutan ah a vun i dang deuh mi cu, nu Judge a si tawnmi May Sweet cu Judge ah ai tel kho tilomi hmuh a si. Nu Judge pakhat lawng Tin Zar Maw lawng hmuh khawh a si cang i, Yan Aung  le Myo Gyaw Myaing hna hi Judge a thar muihmai hmuh a vun si.

Top 10 an i zuamnak hlasaknak ka hin tling in zoh khawh a si. https://www.facebook.com/phyopaing575/videos/1026055137546773/