Rebecca Zahau Thattu cu Adam Shaknai Si Tiah Jurry Biachah

Rebecca Zahau cu 2011 kum lio ah khan California State i San Diego khua ah a ruak in rak hmuh a si. A thihnak kong ah hin kum saupi ho hmanh sual puh awk an rak hmu kho lo. Kum 7 luan hnu ah Jurrybia khiahnak in Rebecca Zahau thattu tiah an puh khawh mi cu nihin ah an phuan khawh cang.

Rebecca Zahau cu a tlangvalpa mirum ngaimi inn varanda ah a ruak in ai thlai kha an rak hmuh.  Mah cu cu July 13, 2011 ni ah khan a rak si. A mah tein a nunnak ai lak tiah hin cu hlan ah cun ruah a rak si. San Diego khua i Jurry biaceihnak nih Adam Shacknai cu sualpuh ding in le Rebecca chungkhar hna caah million $51 liam dingin bia an khiah piak hna tiah nihin San Diego in Foxnews le thawngzamh dang tampi nih an thanh.

Jurry bia khiahnak timi cu, a leng i mi sawhsawh tampi kha court zung ah auh a si i, an hmuhning kha an chim ter hna i, mi tamu nih an hmuhning in bia khiah piakmi a si.

Kumpi kum 7 chung Rebecca chung khar le hna siseh Chin mipi tampi thinlung ah lungsi lonak tampi a rak um. Rebecca hi Khrihfa a si, Chin miphun a si i, amah tein taklawng in inleng ah i thlai ti cu thil asi kho lotukmi a si. Cu tik ah Rebecca anaunu a si mi Mary Zahau nih a case cu Court ah chuahpinak a tuah i, cu ti cun upadi thiamsang hna le sihni hna hlan in hmai ah an nor than ve tik ah thil dik cu a fiang cuahmah ko cang.