Thailand Lungkua Chung Atlaumi Sianghngakchia Hna Kong Update

Aluan ciami June 23 ni ah khan Thailand ram ah sianghnakchia (12) cu lungkua pakhat chung ah nuamhnak ah an kal i an tlau. An nih 12 hi bawlung chuihthiammi an si. Ngal Bawlung team ai timi an si. Ni 7 leng an tlau cang i, Thailand cozah nih minung 1000 leng ralkap le palek thazang hmang in an kawl hna.

Lung kua chung ah ti tampi a lut caah a leng ah an rak chuak kho than ti lo. Thai cozah lei nih an fuh hna hi ti cu an dawp i a leng ah an thlak ter. Cun, tlang an cawh lung kua cu a cung in an luh hnaawh. Ti leuh a thiam mi hna zong nih ti an pil i hngakchia hna cu an kawl.




An ruak in maw hmuh khawh a si te lai tiah thinphan in rak um lio ah tuzing July 2 ah cun hngakchia hna (12) cu a nunnak a him in an hlawm khawh than cang hna. An za tein him tein an hmuh dih ko hna. Hngakchia cem hi kum 11 lawng si rih.

Thailand cozah nih an ram le mipi caah thazaang an chuah i rian an tuanmi zoh tik ah upat an tlak. Hngak chia 12 hna hi hinak tlai in hmuh siseh law, an nunnak a dih kho men mi a si cang. A tu cu hngakchia hna an nu le pa he lawm ngai in an i hmu than kho dih cang hna.

An tlaunak hmun hi Kawlram he ai naihnak Pataya Beach pawng ah a si. Hiking kalnak a nuamhnak hmun a si. Hngakchia hna hi bycycle in an kalmi a si.