USA Ah Chin Pa Pakhat Mawtaw nih A Pah i Athi

USA ram ah Chin mi tampi khua sak a si cang i, cu ah cun mawtaw accident le mawtaw nih pah ruang ah nunnak liam tbtk hi a um pah lengmang. Tu tan hi US ah zarhkhat pakhat ti ngawt in mi an thi. Kum no ngai a si rihmi pakhat cu July 10 ni 2018 ni ah mawtaw nih a pah i a thi.

A min cu Lian Hmun Sang a si i, kum 45 a si. US a phanhnak zong a sau pah cang ko. A umnak khua hi Colombus Junction, Iowa State ah a si. Pu Huat Hmung le Pi Mang Hliang hna i an fapa a si. A nih hi khuami hna zong nih an theih i an bochanmi pakhat a si.

Iowa a umnak khua hi khuate fami te a si i, inn kiangkap hi ke in kal khawhnak Gas dawr tbtk a um. A tu mawtaw nih a pah hi, a ke tein Gas dawr lei a kalnak ah lampi ah mawtaw nih a pahmi a si. Mawtaw speed limit hi 10-15 lawng a si nak a si. A pah tu nih hin, a pah khawh in a lau caah, a mawtaw nih a rial chih caah hin a hmun ah a nunnak a liam cawlh mi hi a si. Sizung zong a phan manh lo.  July ni 10 ni zan suimilam 9pm hrawng ah thil  cangmi a  si.

Nupi a ngei rih lomi tlangval a si, an inn chungkhar ah hngakchia bik pa a si i, ruah lopiin a nunnak a liam tik ah khuami le sahlawh hna an lung fak hringhran.