USA Chin Mino Soccer Thiam Om Kee Hata A nunnak A Liam

America ram um US Chin mi hna thih lohnak tonmi kong tial hi a har hringhran ko. Ni khat hnu nikhat ti ngawt in thihnak thawng US Chin News ah tial a si. Lung a nuam hrim hrim lo. Computer chung ca vun tuk ding hrimhrim kut thling a zaa cang i, ngaih chiat a zual hringhran ko ee.

Om Kee Hata hi Kansas City ah a rak phanmi Chin mino ralzam pakhat a si i, a nu he a rak phanmi an si. Pumpalulh (Soccer) chuih a thiam ngaimi a si. Highschool a kai tein pumpalulh chuih a thiam ngai i, pumpalulh chuihnak ah hruaitu team captain zong a si tiah theih a si.

Om Kee hi tiva kalnak ah ti chung ah a pam. Hillsdale tili ah kan hnu Friday te khan an hmu ti lo i, ti an a tla theu lai tiah rak ruah a si. A ruak cu a tu cu an hmuh cang. Ti ah a tla i a nunnak a liam tiah ruah a si ko.

High School a kainak East High School ah cawnpiaktu saza te zong nih an theih ngai mi a si. Sianginn khar lio ah a nu le chung le bawmh chanh khawh ding caah rian hna a tuan liomi a si.

VOA nih aw in a chimmi tlamtling in mah ka hin ngaih khawh a si.