World Cup Quater Final A Kai Dingmi Hna

World Cup cu Russia ram ah an tuah cuahmah liopi a si. Quater final a kai dingmi team (6) a fiang cang. Quarter final ah ai tei mi pawl Semi an kai te lai.

Tuni a chuihmi hna ah Brazil le Mexico cu an chuih i Brazil nih 2:0 in an tei hna. Cun chun hnu ah khan Belgium le Japan an chuih i Belgium nih 3:2 in an tei hna. An pui hnih tein zoh a dawh.

Brazil le Mexico puai ah Neymar nih hmaisuang kawl 1 cu Brazil caah an khumh piak hna. Cun, rau lo tein Kawl khat an chap than. Mexico hna zong an thiam hringhran ve ko nain, kawl 1 hmanh an khumh kho hna lo.

Japan le Belgium hi ai tluk ngai dingin ruah cu an si bak lo. Belgium cu chuih ka tein an thiamnak tampi an rak langhter khawh cang. Japan zong puai khat hmanh a sung rih lomi an si ve. Belgium ah hin ManU stricker asimi Lukaku hmai kal (9) a um. Lukaku hi Everton nih 28 million pound in an rak cawk i, Everton sin hin ManU nih a man langhter lomi zat in an rak cawk thanmi a si. Eden Hazard zong cu Chelsea club ah hmunhma ngeimi a si i Belgium team ah a thiamcem tiah pumpalulh zoh thla tu hna nih cun an hmuh.




Nihin Japan he puai zong ah passing tha bikmi le ‘Man of the Match’ tiah an auh beh. Kevin De Bruyne (7) zong Man City club ah a chuih mi a si. Belgium ah hin European league le Laliga ah ai telmi international theihmi soccer player an tam ngai te. Mah caah hin an thiam khun tiah ruahnak zong a um.

Tukum World Cup caah nihin tiang ah Belgium hi Goal tamcem a sut mi Team an si. Goal (9) an sut khawh cang. Fifa rank ah rank number (1)nak an si. Russia, Croatia le England le Brazil hna nih an zulh.

Belgium hi Brazil he an i tong lai. Quater final a kai dingmi an si.  Brazil hi Fifa mark pek ningin cun nihin tiang ah rank (5)nak lawng a si i, Rank 1 asimi Belgium he hin an i ton ding a si caah, Brazil caah a fawi lo ngai.

Brazil hi World Cup title Champion vui (5) a hmuh bal cang.  Final vui (7) le Semi Final vui (11) a kai bal cangmi experience a ngei bakmi team cu a si.

Quater final chuih dingmi dang hna cu Uruguay le France (friday) tik ah an chuih te lai. Cun, Brazil le Belgium Friday ah an chuih te lai. Russia le Croatia hi Zarhteni tik ah an chuih te lai.

Sweden le Switzerland thaizing an chuih lai i, Colombia le England an chuih ve lai, ai tei mi veve Quater ah an rak kai te lai.