Youtube Office chung Meithal Kahnak

US ram ah cun nikhat hnu nikhat meithal kahnak rumro a um lengmang ko. Nizan ah khan vulei cung ah mi nih an zoh huam bikmi Youtube sernak office chung ah meithal kahnak cu a um hawi.

Cu tin a kaptu nu cu Iran ram in US ah a rak pemmi a si i amin cu Aghdam. Anih hi, Iran aum lio te in Youtube ah video tampi a thlah lengmang i mileng tam ngaite a ngeimi Social Media lei a cakmi pakhat a rak si.

Youtube cung ah video tete a ser i a thlah tawnmi i phaisa a hmuhmi a si. Mah cu tin video a thlahmi hna cu rikhiahnak an tuah piak i, phaisa a hmuh awk zong a hmu kho ti lo caah, a thin a runh tuk i, mah tihin mi (3) mei thal in a kah mi hna s i tiah Wallstreet Journal nih cun atial. Mi pathum mithal in a kah hna i, amah cu thilak in ai kah ve.