South Korea President Thing Cu Kum 24 Thong An Thlak Lai

South Korea ram mipi nih duh lonak langhter in President sinak an rak thumhmi South Korea president nu cu a bia ceihpiak a si i, kum 24 thong thlak dingin bia khiah piak a si tiah the New York Times siseh Korea thawngzamh kip nih siseh an tial. Bia an ceihpiakmi hi nizan tihni Friday ah khan a si cang.

Anih hi eihmur kong ah le a hramhram in phaisa halnak kong tbtk pawl ah sual puh a si i, cu ti cun a sual ko timi Court nih a hmuh caah kum 24 thong thlak ding a biachah piakcu a si.

Korea ram cu Kawlram Newin bantuk in a rak ukve mi pa i a fanu a simi mah Korea president hlun nu cu, a mah le ai naih niam ngaimi, a hngakchia lio tein a hawikom a raksimi nu nih a phuan dih cikcek hnu ah a sualnak hi mipi nih theih  a rak si i, President dirhmun tiangin thumh a si.

Mah nu a duh lo tu tampi cu signboard an i put i, ‘Thihdan pek ding” tiah an au pi len.