President Trump nih Syria Kong ah Russia Ahrocer

Syria ram kong ah hin US le Russia cu an i rem kho bak lo. Russia nih, Syria a rak kapmi vanlawng poh ka kah dihhna lai tiah tuzing ah khan thawng a thanh bak in, US President Donald Trump zong nih, a lung tlin lonak kha ai hrocer ve.

“Russia, i ralring, – i ready tuah” – “Get ready Russia” tiah President nih a tlerh ve cang.

“Russia vows to shoot down any and all missiles fired at Syria. Get ready Russia, because they will be coming, nice and new and “smart!” You shouldn’t be partners with a Gas Killing Animal who kills his people and enjoys it!” – Donald Trump. Tiin President Twitter account in tuzing ah khan thawng a thanh. A chim mi cu tihin a si, ” Syria a kap mi bomb poh poh cu Russia nih kah viar ding in biakamnak a ngei. Russia, iready tuah!’, hriamnam thar le a mak mi pawl an ra lio hih!” tiah a chimmi cu a si.

Russia le USA an i pehtlaihnak nikhat hnu nikhat a zual chin thluahmah i, pakhat le khat kar lak ah theihtiam lonak a um chin lengmang.  US nih a ram chungi a ummi Russia mingiathlai rian tuantu tam lak te an ram ah a thawl dih hna. Cu pin ah chawlehnak kong zong ah rikhiahnak tampi a tuah chap.

Nai te ah khan Russia le Tuluk cu ton biaruahnak an ngei. Tuluk zong hi US tulio a dirhmun le chawlehnak kong ah a khuakhan ning hna cu a lung a tling kho ve lo. China hi North Korea he zong chawnh biaruahnak an ngeih. Russia, China. North Korea le Syria tiin hin a rauh hlan ah ai tom dawh an si cang.