Croatia nih Argentina atei Hnu Argentina he Ai Tong Rih Ding le WC Pehpar Pawl

Nihin Argentina le Croatia puai a rak zoh tu hna i Argentina a ttanhtu tampi cu mithli he an ni khua a dih. Croatia nih Argentina cu 3:0 (Kawl thum, kawl oo) bak in a tei ne ai. Argentina hi WC tuanbia ah min tha a rak ngei lengmang mi team a si i, Maradona te chan in WC ah top an rak si peng. Atu cu an tuanbia a dih cang ne hnga maw? Dih deuh rih lai loh. Aregentina caah chance vuikhat a tang rih.

Croatia he hin Argentina cu 2014 World Cup ah khan an rak i tong bal cang. Argentina nih 2:1 in a rak tei. Tu tan zong ah hin Argentina nih a tei than theu lai tiah zumtu an tam ngai nain, kawl tam taktak in an sung. Dawh cah lo tak tak in an sungh tik ah Argentina ttanhtu tampi cu an ngeih a chia ko.

Argentina lei in vulei cung soccer thiam bik tiah ruahmi Lionel Messi zong tukum cu a ke aa mah lo hlah maw ti awk khin, paneltu hna a nganh thulh, hlei ah a cawlte cawlcang kho lo dingin an tuah. Nihin Croatia he an chuihnak ah an kawl bawh Wilfredo Caballero  nih bawlung anganh ruang ah kawlkhat cu an kawl deih hna.

World Cup tuanbia ah Argentina nih hin Cup vui 2 a rak co bal cang. 1986 kum hlan pawl ah a si. Nain a luanciami kum 25 chung ah Cup a co kho ti lo. A luanciami kum 4 ah Brazil ram ah rak tuahmi World Cup ah khan Argentina cu Germany he final an rak kai i Germany nih an rak tei hawi hna.

Tutan hi Croatia he an sungh tik ah hin Point (1) te lawng nih a duh hna i Nigeria ram he an chuih kho rih. Rusia ram St. Peterburg khua ah Nigeria he hmaizarh cawn ni 2 ni ah an chuih lai. Nigeria hi a tei khawh ah cun Match dang dang he a mark a kai thluahmah khawh rihmi a si.

Nihin tiang World Cup points pawl 

Kawlsut tambik mi hna top (3)
1. Christiano Ronaldo (4 Goals)

2. Denis Cheryshev (Rusia)  (3 Goals)

3. Diego Costa (Spain) (3 Goals)

Atha bikmi Team pawl

1. Top Goal tam bik a sutmi team Russia (8 Goals) Top
2. Best attacking – hmai kal a cak bikmi Argentina (135 attacks)
3.  Best passing – Passing thiam bikmi team – Spain (1395 completed passes)
4. Best defending – Iran – back a thiam bikmi

Player Tha Bik (nihin tiang ah Fifa nih thimmi)

1. Lionel Messi – Agentina- (12 attempts)
2. Aleksandr Golovin – Russia (25 KM) lang hlat chuih khotu
3. Sergio Ramos (Spain) (203 passes completed). Passing thiam bik