Facebook Founder Mark Zukerberg US Cozah nih Biahalnak An Tuah

A mui in zoh hlah a aan in ngai timi pawl ah hin Zukerberg hi i tel ve dawh a si. Mipi hmai a chuah i, biachimnak hna a ngeih ah siseh a leng chuah sawh ah siseh, Sport-Shirt le Jean bongbi he zoh ah khin Billionaire muisam cu a lo hrim lo. Ai citmi mawtaw le Volkswagon – US ah misifak zaraan nih i citmi mawtaw khi a hei si. Nihin cu US senator upa hna nih biahalnak an tuah.

Bia an halnak a ruang bik cu nai te ah khan Facebook he pehtlai in thawngpang mak pakhat a um. Cambridge Analytica timi company nih Facebook hmangtu minung 87 millions hna i i siningcang pawl cu Facebook sin in an lak i a dang ah an zuar chin ti a si. Cu Facebook hmangmi hna sining kong lam cu hman in nikum USA elekson ah khan US president cuhnak caah an rak hman timi a si. Facebook hmangtu hna sining cang mah tiin a leng ah phaisa in zuarmi cu a ningcang lo tiah hmuh piak a si i, Senator upa le hna – a bik in democratic party lei nih bia halnak an tuah.

Kum 33 lawng a si rihmi mino mirum Mr. Zukerberg cu kum sau ngai chung US ramhun upadi a sersiam khotu Law makers upa tampi nih an kulh i ngeih thlem in bia an hal ko. A fawi lo ngai mi dirhmun le bia halnak pawl a si i, zaran caah i chuah sual a fawi taktak nak hmun a si. Pingpang i chuah sual ah cun, kutkhih i thawng in ah kalpi cawlh khawh a si nak hmun a si.

Suimilam 2 leng upadi lei thiam sang hna le, IT kong a thei setsai tuk lo mi upa hna i bia an halmi cu dong cat lo tein a leh ve ko hna. Cu tin bia an halnak cu NPR news nih Live in a thlah i, America thawng zamh kimh ah an thanh.