Hakha Peng Uk Bawi Pu Chan Fiang Rian Rian Dinter Ding Thihphaih A Tong

Kawl phunglam Yilaungpuai ah tel a duhlonak a langhtertu Hakha peng Ukbawi Pu Chan Fiang cu a rian hmanh dinhter ding tiang in thihphaihnak a tong tiah Hakha ah thawngpang a leng.

Chin ramkulh cozah nih Kawlram yilaungpuai – titawih puai caan cu Hakha zong ah tuahve dingin tinhtuahnak tbtk an ngeih i, Pu Chan Fiang cu lam pakhat rak chuahpi dingin rian fialnak an pek nain, titawih puai a uar lemlonak kong kha a chim phuannak a um caah rian dinhter ding phun tiangin thihphaihnak hi ton dawh a si.

Hi konghe pehtlai in The Chinand post nih tihin a langhter “‘Laam phunkhat na chuahpi khawhlo i, Kawi titioh puai ah na tel duhlo ding a si ahcun, na rian in chuak an timi Hakha penguk bawi Pu Chan Fiang khi bia va ruah ulaw tha deuh hnga lo maw? Zei si poah ah, nan kan dirpi caah kan i lawm. Cozah zunghmai ah hi bantuk i ceih zong hi a nuam lo, thinphang a si timi mithmai he khin Laam cawnnak in a hawile he an tin.” The Chinlandpost i ca an tialningcang hi lung cu a fiang lo ngai, Journalist taktak nih catialmi cu a lo loh. A si nain, Hakha lei ah thawngpang kan theihmi pawl he cu aa kaih ko.

Pu Chan Fiang hi khat lei ah a innchungkhar kong ah nai te ah khan a nupi he buainak faak ngai an ngeii, zurit bu in a nupi a velh lengmang caah a nupi nih a duh lonak Facebook ah cei a rak tarmi cu a si. Amah pumpak hi mi fel le fel lo ti belte cu careltu nih cuai rak thlai cio ko uh.