Indianapolis khua ah Chin(Zophei) pa Tiva ah A Ruak an Hmuh Cang

Indianapolis khua ummi Laimi hna ngeih chiatnak an tong. Thih dar an tum. Mino ngaite a si rih mi pu Hniang Cung (Lawngtlang khua)mi nih tiva a kalnak ah ti ah a tla. Atu tiang hi a ruak an hmu rih lo tiah theih a si.

“Thih Dar kan tum!!
Khrihfa ah nun hrawm hawi le hna,
Kan Khrihfa Buu chungtel asi mi Pu Hniang Cung ( Lawngtlang )nih ti pamnak in tuzan lei ah mual akan liam tak.Anupi Pi Jenevy Sui le fanu pakhat le fapa pakhat aroh tak hna.Pu Hniang Cung hi kan Khrihfa Upa Pu Lalro Sang le Pu Biak Hmung hna chuah pi unau asi.A u le inn asi mi Pu Biak Hmung te inn ah len kai aduh mi nih len kai ding asi lai.Address cu-3919 Eastwind St,Indianapolis,IN 46237(ph 317-793-5169)
Atu tiang ah cun ruak an hmu rih lo tiah kan theih.Tlam tling tein ruak an hmuh zaunak hnga le tluang tein kan i fim tawl khawhnak hnga thlacam cio hna uh sih.Ahlei In tantak mi chungkhar Bawi pa nih hnem hram ko hna seh!
Biak Cung
Treasurer
ZBC”

Tiah an Khrihfabu lei in thawng thanhnak an tuah.

Pu Hniang Cung hi volleyball zanglek a thiam taktakmi a si. Zophei mino ah Volleyball rinhchanh bakmi, mi chuakthiam pumrua tha a si. A nih hi dam lonak zong a ngei lomi ngan dam ngai mi te a si. Mi dai te a si, holh lemlo mi a si. Mi cung ah bawmhchanhnak lungthin a ngeimi pakhat a si. Nupi fa le zong a ngei cang hna.

Tuzing June 22 2018 zingka 10:30AM hrawng ah a ruak cu kan hmuh cang ee tiah a chung le sinin thawng thanhnak an tuah than cang.