Online Hlawhhlang Zuarnak Backpage cu US Cozah nih An Khar Cang

Internet ah nu pawl an i hlawhhlang khawhnak ding caah tuahmi Backpage timi cu US cozah nih an dothlat hnu ah founder hna cu an tlaih hna.

Mah hi backpage timi cu US ram chung lawng si lo in vulei cung ram kip ah nu tha lo hna nih hmanthlak dawhcah lo in an i thla i an i zuarnak hmun a si. Pa tampi cu cu ka ah cun nu tha lo an kawl hna i an fuh tawn hna tiah theih a si. Cu tin Backpage timi ah cun, nu nih pa kawl khawh asi ve i, pa zong nih nu kawl khawh a si, an telephone an i tar i mah cu phone number auh in thil tha lo tuahnak lam cu an ser.

Cu bantuk online thil tha lo tuahnak a rak thawktu hna cu US ram mi Carl Ferrer (CEO) le cu hlan ah mah website a rak ngei hmasa tu James Larkin, COO Andrew Padilla, and former owner Michael Lacey hna hi an si hna. An dih lak in US cozah lei in FBI nih an luh hnawh hna i evidence he an tlaih hna. Thong inn ah a tlawm bik kum 5 um ding an si i, phaisa sing 250000 liam ding zong an si.

Tutan bia ceihnak ah cun Backpage CEO nih ‘Ka sual ko’ tiah Pleads guilty a tuah ee tiah US Today thawng zamhnih a tial.